Showing 2 results

1216ހ ރަމްލޯނު 16(1802މ ޖަނަވަރީ 21)ގާ، އަލްގާޒީ މޫސާ މުހްޔިއްދީނު ފަޑިޔާރުމަނިކުފާނުގެ ޝަރީއަތުގެ މަޖިލީހުގާ، ރިނބުދޫ ދޮންއަލީ ކަލޭގެ، މައްޗަންގޯޅި ރަށްދެބައި މަގުން އެރޭތަނުގެ ކަނާއަތު ފޅީގާ އޮތް، ވާތީ އަހަންމާބޭގެ ގޯތިން، މުލަކުގާ ތިބި އޭނާގެ ވާރުތަވެރިންނަށް ވީބަޔާ، އެތާނގާ ހުރި ރުކާއި އަދި ބަނބުކެޔޮގަސް، ތިނަދޫ ކާސިންކަލޭގެޔާ ފުއްލާ މުހައްމަދު ފުޅުގެ ހާޒިރުގާ، ގަތްކަމުގާ ބުނުމުން، އެއެންމެހާ މީހުން އެމަޖިލީހަށް ހާޒިރުކުރުމުން، އެގޯތި ބަހައިގެން، މޫސާ ތަކުރުފާނުއަށް ވީބަޔާއި، އައިމިނާފާނުއަށް ވީބަޔާއި، މުހައްމަދު ތަކުރުފާނުއަށް ވީބައިބަޔާއި، އެބައިބައިގާ ހުރި ހުރިހާ ރުކާއި ބަނބުކެޔޮގަސް، އެގޯތީގެ އެއްބައި ގަނެގެން ހުރި، ރިނބުދޫ ދޮންއަލީއަށް ވިއްކާ އަގުދީ ހަލާސްކޮށްފި ކަމުގާ އިގުރާރުވުމުން، އެތަނަކީ އެ ރިނބުދޫ ދޮންއަލީ ކަލޭގެ މިލްކެއްކަމުގާ ނިޔާކުރެއްވުމުން، އޭނަގެ އެދުމަކަށް، އެކަންކަން ބަޔާންކޮށް، އައްނައިބު މުހައްމަދު ބަންޑާރަނައިބު ކަލޭފާނު ލިޔެފާވާ ފަތެއް. އަދި މިފަތުގެ ނުފުށުގާ: 1373ހ ސަފަރު 15(1953މ އޮކްޓޯބަރު 23)ގާ، ވުޒާރަތުލް ދާހިލިއްޔާއިން؛ މަތީގާއެވާ ގޯތި، ތ.އެލާއިން ނަގާ، އަލުން ފަތެއް ލިޔުނު ކަމުގާ، ބުނެފާވާ ލިޔުމެއް. (Size:11" X 9.2") Chief Justices - Al Ghaazee Moosa Muhyiddin K.Male' - Endowment for property

1341ހ ޝައްވާލް 17(1923މ ޖޫނު 2)ގާ، އަލްގާޒީ އިބްރާހީމް ސިރާޖުއްދީނުގެ މަޖިލީހުގާ، ވަށަފަރު ހަސަން ވަތަބަޑޭރި ތަކުރުފާނުގެ ދަރި އަލީ ތަކުރުފާނު، އޭނާގެ މިލްކުގާވާ ހުރިހާ އެއްޗެއް، މިލްކުން ކަނޑާ، ވަގުފްކޮށް، އެއެއްޗެތީގެ ހަވާލުވެރިކަން އޭނާގެ ތިބިހާ ދަރީންނަށާއި، އޭނާގެ މަރުވި އަންހެން ދަރީގެ ދަރިންނަށާ، އެމީހުން ނެތުމުން، އެދަރީންގެ ދަރިކޮޅަށް ލަށްވައިފި ކަމުގާ ބުނެ، އެކަމުގެ މައްޗަށް ފަތެއް ލިޔެދެއްވުމަށް އެދުމުން، އެ މަޖިލީހުން ލިޔެފާވާ ފަތެއް. އަދި މިފަތުގެ ނުފުށުގާ: 1959މ ނޮވެންބަރު 10(1379ހ ޖުމާދިލްއައްވަލް 9)ގާ، ވުޒާރަތުލް ދާހިލިއްޔާއިން؛ މަތީގާއެވާ ގޯތި، ތ.އެލާއިން ނަގާ، އަލުން ފަތެއް ލިޔުނު ކަމުގާ، ބުނެފާވާ ލިޔުމެއް. Last will and testament (Size: 11.8" X 9.4") K.Male' - Endowment for property